<\/p>\n
<\/p>\n
Iqtisodiyotda yalpi talabga ichki va tashqi omillarning rag\u2018batlantiruvchi ta\u2019siri saqlanib qolmoqda. Tashqi inflyatsiya va iqtisodiyotdagi daromadlarning o\u2018sishi bazaviy inflyatsiyaning co\u2018nggi oylarda yuqori shakllanishiga sabab bo\u2018ldi.<\/em><\/p>\n Asosiy stavkaning joriy darajasi iqtisodiyotda nisbatan qat\u2019iy pul-kredit sharoitlarini saqlab qolish uchun yetarli, deb baholanmoqda. Iqtisodiy vaziyatning rivojlanib borishi va fiskal siyosat xususiyatidan kelib chiqib, kelgusi choraklarda talab va taklifni muvozanatlashtirish uchun qo\u2018shimcha choralar ko\u2018rish zarurati yuzaga kelishi mumkin.<\/em><\/p>\n So\u2018nggi choraklarda barqaror yuqori iqtisodiy o\u2018sish<\/strong> dinamikasi kuzatilmoqda. Markazlashgan investitsiyalarning muvozanatlashuvi sharoitida yalpi iste\u2019molning o\u2018sishi talabni shakllantiruvchi asosiy omillardan bo\u2018ldi. 2022 yil yakuni bo\u2018yicha YAIM o\u2018sishi Markaziy bankning oktabr oyidagi prognozlariga mos bo\u2018lib, 5,7 foizni tashkil etdi<\/strong>.<\/p>\n Joriy yilda fiskal rag\u2018batlantirishlarning nisbatan muvozanatlashuvi kutiliyotgan bo\u2018lsa-da, o\u2018tgan 3 yilda kuzatilgan yuqori fiskal defitsitning yalpi talabni qo\u2018llab-quvvatlovchi ta\u2019sirlari saqlanib qolmoqda. Mehnat bozoridagi barqarorlikning saqlanib qolishi, mehnat haqi va transchegaraviy pul o\u2018tkazmalarining yuqori hajmlari uzoq muddat foydalaniladigan tovarlar va ko\u2018chmas mulklarga bo\u2018lgan talabni o\u2018sishiga va, o\u2018z navbatida, ushbu bozorlarda narxlarni oshishiga olib kelmoqda.<\/p>\n Umuman olganda, joriy va kelgusi choraklarda iqtisodiyotda ijobiy tendensiyalarning shakllanishi taklif omillarini muvozanatlashishiga bog\u2018liq bo\u2018ladi. Anomal ob-havo sharoitlari tufayli taklif bilan bog\u2018liq qisqa muddatli xatarlar yuzaga kelishi ayrim turdagi mahsulotlar ishlab chiqarish va yetkazib berish hajmlariga ta\u2019sir ko\u2018rsatadi.<\/p>\n 2022 yil davomida iqtisodiyot tashqi sharoitlarning<\/strong> o\u2018zgarishiga moslashib bordi. Tashqi iqtisodiy xatarlarning ta\u2019siri qisqa muddatli va dastlabki baholashlarga nisbatan pastroq bo\u2018lishi hisobiga eksport va transchegaraviy pul o\u2018tkazmalardan valyuta tushumlarining o\u2018sishi kuzatildi.<\/p>\n Jahon bozorlaridagi narxlar dinamikasi bo\u2018yicha ijobiy kutilmalar shakllangan bo\u2018lsa-da, global iqtisodiy faollik va asosiy savdo hamkorlar iqtisodiyotlari o\u2018sishi bo\u2018yicha prognozlar pasayishining salbiy ta\u2019siri bilan bog\u2018liq yuqori noaniqlik va xatarlar saqlanib qolmoqda.<\/p>\n 2022 yilda iste\u2019mol tovarlari narxlarining barcha guruhlarida keng qamrovli o\u2018sish kuzatildi va bu umumiy yillik inflyatsiya<\/strong> darajasining 12,3 foizgacha<\/strong> tezlashishida o\u2018z aksini topdi. So\u2018nggi yarim yillikda bazaviy inflyatsiyada ham barqaror o\u2018sish tendensiyasi kuzatildi va yillik 13,8 foizga yetdi<\/strong>. Bu ishlab chiqaruvchilar narxlari indeksining nisbatan yuqori dinamikasi bilan birga kelgusida inflyatsion bosimlarning yanada ortishi ehtimoli bo\u2018yicha signal bermoqda. Oxirgi uch oydagi inflyatsion kutilmalardagi o\u2018sish dinamikasi kelgusida inflyatsion xatarlar yuzaga kelishi ehtimollarini oshirgan.<\/p>\n Jahon iqtisodiyotining o\u2018zgarishlarga moslashuvi hamda markaziy banklar tomonidan pul-kredit siyosatini qat\u2019iylashtirish bo\u2018yicha ko\u2018rilayotgan choralar, global inflyatsion jarayonlarning yanada kuchsizlanishi va asosiy oziq-ovqat mahsulotlarining birja narxlarining nisbatan pasayishi bo\u2018yicha ehtimollikni oshirmoqda. Ushbu omillar valyuta kursining nisbatan barqaror dinamikasi bilan birgalikda inflyatsion jarayonlarga pasaytiruvchi ta\u2019sir ko\u2018rsatishi kutilmoqda.<\/p>\n Yilning ikkinchi yarmidan boshlab milliy valyutadagi kreditlar hajmining ortishi hisobiga iqtisodiyotga kredit qo\u2018yilmalarining o\u2018sish sur\u2019ati<\/strong> biroz tezlashdi. Shu bilan birga, kredit portfeli tarkibida aholiga ajratilgan chakana kreditlarning yuqori sur\u2019atlarda o\u2018sish tendensiyalari davom etmoqda.<\/p>\n Ijobiy real foiz stavkalari ta\u2019sirida banklarda depozitlar hajmi, ayniqsa aholi omonatlari yuqori sur\u2019atlarda o\u2018sib bormoqda.<\/p>\n Umuman olganda, o\u2018tgan yilning ikkinchi yarmidan iqtisodiyotni moliyalashtirish jarayonlarida tarkibiy o\u2018zgarishlar kuzatilib, banklar ko\u2018proq ichki resurslardan foydalangan holda faoliyat yuritishga o\u2018tishi tezlashdi. Bu, o\u2018z navbatida, mavjud moliyaviy imkoniyatlarni samarali mobilizatsiya qilinishi bilan birgalikda iqtisodiyotdagi dollarlashuv darajasini pasayishiga xizmat qildi. Bu jarayon joriy yilda ham davom etilishi kutilmoqda.<\/p>\n Makroiqtisodiy rivojlanishning prognozlariga ko\u2018ra<\/strong>, I chorakda YAIM o\u2018sishining ma\u2019lum darajada sekinlashishi bo\u2018yicha ehtimollik yuqori va 2023 yil yakunida iqtisodiyotning 4,5-5 foizga o\u2018sishi<\/strong> va yillik inflyatsiyaning 8,5-9,5 foiz doirasida shakllanishi<\/strong> prognoz qilinmoqda.<\/p>\n Ayni paytda, bazaviy inflyatsiyaning o\u2018suvchi dinamikasi va iqtisodiyotdagi tarkibiy o\u2018zgarishlar darajasi, ikkinchi tomondan, tashqi iqtisodiy sharoitlar va taklif omillaridagi xatarlar pul-kredit siyosati ta\u2019sir doirasini qisqartirishi mumkin.<\/p>\n Markaziy bank pul-kredit sharoitlarining talab, narxlar va inflyatsion kutilmalarga ta\u2019sirini sinchkovlik bilan baholashda davom etadi. Ko\u2018rilayotgan chora-tadbirlar talab va taklif mutanosibligini ta\u2019minlash hamda inflyatsiyaning prognoz koridori doirasida shakllanishiga va 5 foizlik o\u2018rta muddatli targetiga erishishiga qaratiladi<\/strong>.<\/p>\n Zarur hollarda tegishli vazirlik va idoralar bilan birgalikda inflyatsiyaning nomonetar omillarini kamaytirish, ta\u2019minot zanjirlaridagi uzilishlarni bartaraf etish va zaruriy taklif hajmlarini ta\u2019minlash bo\u2018yicha qo\u2018shimcha chora-tadbirlar ishlab chiqiladi.<\/p>\n