<\/p>\n
Joriy yilning 13-iyun kuni «Moody’s» xalqaro reyting agentligi O\u2018zbekistonning suveren kredit reytingi bo\u2018yicha so\u2018nggi hisobotini e\u2019lon qildi. Hisobotga ko\u2018ra, respublikaning kredit reytingi «Ba3» («BB-«) darajasida tasdiqlandi, reyting prognozi esa «barqaror»dan «ijobiy»ga oshirildi.<\/strong><\/p>\n Joriy yilning 23-may kuni S&P reyting agentligi ham O\u2018zbekistonning suveren kredit reytingi prognozini «barqaror»dan «ijobiy»ga oshirgandi.<\/strong><\/p>\n Joriy yil boshidan buyon «Moody’s» xalqaro reyting agentligi 11 mamlakatning suveren kredit reytingi yoki prognozini pasaytirgan va 12 mamlakatniki oshirgan.<\/p>\n Moody’s hisobotida O\u2018zbekistonning suveren kredit reytingi prognozining «ijobiy» darajaga ko\u2018tarilishi davom etayotgan institutsional islohotlar orqali iqtisodiy siyosat samaradorligi va institutlar sifatining yaxshilanishi bilan bog\u2018liqligi ta\u2019kidlanadi.<\/strong><\/p>\n Xususan, energetika sohasidagi davom etayotgan islohotlar O\u2018zbekiston rahbariyatining kelajakda murakkab islohotlarni amalga oshirish salohiyati va qat\u2019iyatini namoyish etishi qayd etildi.<\/strong><\/p>\n Jumladan, 2027-2028-yillarda elektr energiyasi va gaz uchun xarajatlarni qoplash darajasiga erishish maqsadida tariflar oshirilgani, aholini inflyatsiya ta\u2019siridan himoya qilish uchun ish haqi va pensiyalar bir necha bor oshirilgani, davlat korxonalariga ajratiladigan subsidiyalar qisqartirilganiga alohida e\u2019tibor qaratildi.<\/p>\n Agentlik korporativ boshqaruvni yaxshilash borasidagi sa\u2019y-harakatlarni tan oldi, jumladan, davlat korxonalari kuzatuv kengashlarida mustaqil kengash a\u2019zolarining ulushini 25% gacha, davlat banklarida 40% gacha oshirish va 2027-yilgacha davlat banklarida bu ulushni 50% dan oshirish maqsadini belgilash kabilar.<\/p>\n Korrupsiyani jilovlash va boshqaruv sifatini yaxshilash maqsadida «Manfaatlar to\u2018qnashuvi to\u2018g\u2018risida»gi qonunning qabul qilinishi ijobiy baholandi. Shuningdek, «Davlat xizmatchilarining daromad va mol-mulkini deklaratsiya qilish to\u2018g\u2018risida» va «Korrupsiyaviy huquqbuzarliklar haqida xabar beruvchi shaxslarni himoya qilish to\u2018g\u2018risida»gi qonun loyihalarining ishlab chiqilishi, shuningdek, ma\u2019lumotlar ochiqligi va shaffofligining doimiy ravishda yaxshilanib borishi ijobiy qabul qilindi.<\/p>\n Hisobotda Milliy investitsiya fondi 2024-yilda 18 ta yirik davlat korxonasi va banklarining ulushlari o\u2018tkazilishi asosida tashkil etilgani va Franklin Templeton tomonidan boshqarilishi ta\u2019kidlanadi. Shuningdek, 29 ta yirik davlat korxonalari uchun aksiyalarning ommaviy joylashtirilishi rejalashtirilgani qayd etildi.<\/p>\n Hisobotda O\u2018zbekistonning 2024-yildagi iqtisodiy o\u2018sishi 6,5% ni tashkil etgani va o\u2018rta muddatli istiqbolda iqtisodiy o\u2018sish sur\u2019atlari barqaror bo\u2018lib qolishi qayd etilgan. Agentlik 2025-yilda iqtisodiy o\u2018sishni 5,8%, 2026-yilda esa 5,7% deb prognoz qilmoqda.<\/p>\n «O\u2018zbekiston \u2013 2030» strategiyasiga muvofiq infratuzilmaga, xususan, energetika va transport sektorlariga investitsiyalarni ko\u2018paytirish iqtisodiy o\u2018sishni rag\u2018batlantirishi ta\u2019kidlandi.<\/p>\n Moody’s hisobotiga ko\u2018ra, energetika sektoridagi subsidiyalarning qisqarishi, ijtimoiy xarajatlarning yanada maqsadli taqsimlanishi va eksport tovarlari uchun qulay narx sharoitlarining shakllanishi natijasida byudjet defitsiti 2023-yildagi YaIMning 4,9% dan 2024-yilda 3,3% ga kamaydi.<\/p>\n Agentlik 2025-2027-yillarda byudjet defitsiti YaIMning 3% dan oshmasligini, davlat qarzi hajmi esa YaIMning 40% dan oshmasligini prognoz qilmoqda.<\/p>\n Moody’s ma\u2019lumotlariga ko\u2018ra, O\u2018zbekistonning suveren kredit reytingi quyidagi hollarda oshiriladi:<\/p>\n\n