<\/p>\n
Assalomu alaykum, hurmatli forum ishtirokchilari!<\/strong><\/p>\n Xonimlar va janoblar!<\/strong><\/p>\n Qadrli do\u02bbstlar!<\/strong><\/p>\n Bugun beshinchi Toshkent xalqaro investitsiya forumida qatnashayotgan davlat va hukumat rahbarlari, nufuzli xalqaro moliya institutlari, yirik kompaniyalar, jamg\u02bbarmalar vakillari va yetakchi ishbilarmonlarni ko\u02bbrib turganimdan benihoya xursandman.<\/p>\n Sizlarning ishtirokingiz xalqaro miqyosda Yangi O\u02bbzbekiston taraqqiyotiga bo\u02bblgan ishonch tobora ortib borayotganining yana bir ifodasidir.<\/p>\n Forum doirasida birgalikdagi harakatlarimiz katta marralarga erishish uchun mustahkam poydevor bo\u02bblmoqda. Xususan, so\u02bbnggi yillarda yurtimizga 150 milliard dollardan ziyod xorijiy investitsiya jalb qilingan bo\u02bblsa, shundan 123 milliard dollari oxirgi besh yilga to\u02bbg\u02bbri kelmoqda.<\/p>\n Biz O\u02bbzbekiston bilan hamkorlik qilishdan manfaatdor bo\u02bblgan, teng huquqli va o\u02bbzaro foydali sheriklikka tayyor investorlar uchun doimo ochiqmiz.<\/p>\n Joriy yilgi forumda dunyoning 100 dan ortiq davlatidan 4 mingga yaqin xorijiy mehmonlar qatnashayotgani ham anjumanimiz nufuzi yuksalib borayotganini yaqqol tasdiqlaydi.<\/p>\n Fursatdan foydalanib, tadbirimizda ishtirok etayotgan Albaniya Respublikasi Prezidenti Bayram Begay Janobi Oliylariga, Rossiya Federatsiyasi Hukumati Raisi Mixail Mishustin Janobi Oliylariga, Belarus Respublikasi Bosh vaziri Aleksandr Turchin Janobi Oliylariga, Ozarbayjon Respublikasi Bosh vaziri Ali Asadov Janobi Oliylariga, Qozog\u02bbiston Respublikasi Bosh vaziri Oljas Bektenov Janobi Oliylariga, Qirg\u02bbiz Respublikasi Vazirlar Mahkamasi Raisi \u2013 Prezident Administratsiyasi rahbari Adilbek Kasimaliyev Janobi Oliylariga, Tojikiston Respublikasi Bosh vaziri Qohir Rasulzoda Janobi Oliylariga alohida minnatdorlik izhor etaman.<\/p>\n Shu bilan birga, jadal islohotlarimiz yo\u02bblida biz bilan yaqindan hamkorlik qilib kelayotgan Yevropa tiklanish va taraqqiyot banki, Yangi taraqqiyot banki, shuningdek, Jahon banki, Xalqaro moliya korporatsiyasi, Osiyo taraqqiyot banki, Osiyo infratuzilma investitsiyalari banki, Yevropa investitsiya banki hamda xorijiy banklar, kompaniya va tashkilotlar vakillariga samimiy tashakkur aytaman.<\/p>\n Yangi O\u02bbzbekistonga xush kelibsiz, qadrli do\u02bbstlar!<\/p>\n Hurmatli forum ishtirokchilari!<\/strong><\/p>\n Jahon iqtisodiyoti va global kapital xaritasi keskin o\u02bbzgarayotgan, savdo ziddiyatlari avj olayotgan hozirgi sharoitda har qanday investor tadbirkorlarning huquq va erkinliklari ishonchli himoya qilinayotgan, iqtisodiyot jadal sur\u02bcatlar bilan o\u02bbsib borayotgan, keng imkoniyatlar mavjud bo\u02bblgan davlatlarga sarmoya kiritishga intilishi tabiiy, albatta.<\/p>\n Shu bois, biz Yangi O\u02bbzbekistonda investitsiya muhitini tubdan yaxshilash yo\u02bblida tizimli chora-tadbirlarni olib boryapmiz. O\u02bbtgan yili yalpi ichki mahsulotimiz 7,7 foizga o\u02bbsdi, iqtisodiyotga 43 milliard dollar investitsiya jalb qilindi. Milliy valyutamiz barqarorligi ta\u02bcminlanib, xalqaro zaxiralarimiz hajmi 70 milliard dollardan ortdi.<\/p>\n Ko\u02bbpchilikning yodida, biz to\u02bbrt yil avval bo\u02bblib o\u02bbtgan ilk forumda 2026-yil yakuniga kelib, O\u02bbzbekistonning yalpi ichki mahsulotini 100 milliard dollarga yetkazishni maqsad qilgan edik. Jadal sur\u02bcatlarda o\u02bbsib borayotgan iqtisodiyotimiz bu yil 180 milliard dollardan ortishi kutilmoqda. Shu bilan birga, O\u02bbzbekistonning xalqaro kredit reytingi yil sayin yaxshilanib bormoqda. Joriy yilda mamlakatimiz nufuzli \u201cIqtisodiy erkinlik indeksi\u201dda 14 pog\u02bbona yuqorilab, ilk bor \u201ciqtisodiyoti mo\u02bbtadil erkin\u201d davlatlar qatoridan joy oldi.<\/p>\n Bularning barchasi O\u02bbzbekiston iqtisodiyoti yangi sur\u02bcat va yangi imkoniyatlar bosqichiga chiqayotganiga yorqin misoldir.<\/p>\n Hurmatli anjuman qatnashchilari!<\/strong><\/p>\n Bugungi forum mavzusi\u00a0\u201cInvestitsiyaviy barqarorlik: yangi marralar va yangi sheriklik\u201d\u00a0<\/strong>deb nomlangani ham bejiz emas. Biz oldimizda turgan katta maqsadlarga faqat birgalikdagi sa\u02bcy-harakatlarimiz orqali erisha olamiz. Ko\u02bbp qirrali hamkorligimizni yanada kengaytirish uchun bir qator ustuvor yo\u02bbnalishlarga to\u02bbxtalib o\u02bbtmoqchiman.<\/p>\n Birinchi yo\u02bbnalish \u2013 investorlar uchun huquqiy kafolat tizimini yanada kuchaytirish.<\/strong><\/em><\/p>\n Investorlar huquqlarini kuchli institutlar, e\u02bctirof etilgan xalqaro mexanizmlar orqali ta\u02bcminlash hal qiluvchi ahamiyatga ega. Bu borada mart oyidan Toshkent xalqaro moliya markazini tashkil etish bo\u02bbyicha ishlarni boshladik. Markazning huquqiy asoslari Konstitutsiyaviy qonun bilan mustahkamlanadi. Ushbu Markaz ishtirokchilari uchun jozibador soliq tizimi yaratiladi. Foyda solig\u02bbi, qo\u02bbshilgan qiymat solig\u02bbi, mol-mulk solig\u02bbi va bojxona bojlari nol foiz etib belgilanadi. Kapitalning erkin harakati, istalgan valyutada hisob-kitob qilish imkoniyati so\u02bbzsiz kafolatlanadi. Moliyaviy texnologiyalar, raqamli aktivlar, \u201cyashil\u201d moliya uchun zamonaviy tizim yaratiladi. Markaz hududida normativ hujjatlarni qabul qilish vakolatiga ega mustaqil moliyaviy regulyator ham tashkil etiladi.<\/p>\n Dastlabki bosqichda bu kabi imtiyozlarning amal qilish muddati 50 yil etib belgilanadi. Markazda Angliya huquqiga asoslangan maxsus tartib-tamoyil joriy etiladi, mustaqil Toshkent xalqaro tijorat sudi tashkil qilinadi. Unda nufuzli xorijiy sudyalar va xalqaro ekspertlar faoliyat yuritadi. Shu bilan birga, investitsion mediatsiya tizimini ham rivojlantiramiz. Bu borada Birlashgan Millatlar Tashkilotining Mediatsiya to\u02bbg\u02bbrisidagi Singapur konvensiyasiga qo\u02bbshilish niyatidamiz.<\/p>\n Ushbu choralar natijasida investorlar O\u02bbzbekistonning o\u02bbzida kafolatlangan xalqaro huquqiy himoyaga ega bo\u02bbladi. Barchangizni bunday shart-sharoitlardan, shakllanayotgan yangi ekotizim imkoniyatlaridan unumli foydalanishga chaqiramiz.<\/p>\n Ikkinchi yo\u02bbnalish \u2013 kapital bozorini rivojlantirish, muqobil moliya vositalariga keng yo\u02bbl ochish.<\/strong><\/em><\/p>\n O\u02bbzbekiston yangi avlod moliya texnologiyalari va sarmoya bozorlarini jadal rivojlantirmoqda. O\u02bbtgan davrda xalqaro bozorlarda 16 milliard dollardan ziyod obligatsiyalarni joylashtirdik. Shu bilan birga, milliy valyutadagi korporativ yevro-obligatsiyalarni ham aylanmaga kiritdik. Ilk bor 13 ta strategik korxona aktiviga ega Milliy investitsiya jamg\u02bbarmasining 30 foiz aksiyalarini Toshkent va London fond birjasiga chiqardik. E\u02bctiborli jihati, bu London birjasining oxirgi besh yildagi eng yirik IPOsiga aylandi. Shu bilan birga, qator yirik kompaniyalarni ham IPOga chiqarishga tayyorgarlik ko\u02bbryapmiz.<\/p>\n Bu kabi islohotlarning huquqiy negizini mustahkamlash uchun \u201cKapital bozori to\u02bbg\u02bbrisida\u201dgi va \u201cMuqobil investitsiya jamg\u02bbarmalari to\u02bbg\u02bbrisida\u201dgi qonunlar qabul qilinadi.<\/p>\n O\u02bbzbekistonda xalqaro kliring kompaniyalarning faoliyatiga ham keng imkoniyatlar ochamiz. Bundan tashqari, investitsiya oqimini diversifikatsiya qilish uchun suveren islom obligatsiyalari \u2013 sukuk dasturini amalga oshirishni boshlaymiz.<\/p>\n Bular korxonalarimizga kelgusida kamida 10 milliard dollar qo\u02bbshimcha kapital olib kelish uchun katta turtki beradi.<\/p>\n Shuningdek, xususiylashtirish doirasida shu yil 6 milliard dollarlik ko\u02bbchmas mulk, korxonalardagi davlat ulushi va yer uchastkalari auksionga chiqariladi.<\/p>\n Mahalliy va xorijiy investorlarni bunday yangi imkoniyatlardan keng foydalanishga chorlaymiz.<\/p>\n Uchinchi yo\u02bbnalish \u2013 yuqori qo\u02bbshilgan qiymat zanjirlarini kengaytirishga investitsiyalarni jalb etish.<\/strong><\/em><\/p>\n Biz sanoatning barcha tarmoqlarida yangi texnologik bosqichga o\u02bbtish va qo\u02bbshilgan qiymatni yaratish bo\u02bbyicha katta dasturlarni boshladik. Kelgusi besh yilda sanoatda yuqori texnologiyali mahsulotlar hajmini 2,5 barobarga ko\u02bbpaytiramiz. Misol uchun, ilg\u02bbor kimyo tarmog\u02bbini rivojlantirish orqali 20 milliard dollarlik investitsiya salohiyatini ishga solish; hududlarda 15 ming yuqori daromadli ish o\u02bbrinlarini yaratish; 130 turdagi yangi mahsulotlarni ishlab chiqarish bo\u02bbyicha hamkorligimiz bizga ham, siz, investorlarga ham manfaat keltirishiga ishonaman.<\/p>\n Yaxshi xabardorsiz, O\u02bbzbekiston boy tabiiy resurslar \u2013 oltin, mis, uran, volfram, gaz va boshqa noyob zaxiralarga ega. Strategik xomashyo bo\u02bblgan yer osti boyliklarimizning umumiy qiymati 3 trillion dollar deb baholanmoqda.<\/p>\n Bu sohadagi imkoniyatlarni xorijiy investorlarga taqdim etish maqsadida ochiq raqamli geologiya ma\u02bclumotlar bazasini yaratamiz; auksionga qo\u02bbyiladigan konlarni 4 karra ko\u02bbpaytiramiz; \u201cqazib olishdan tayyor mahsulotgacha\u201d bo\u02bblgan loyihalarni amalga oshirish uchun Toshkent va Samarqand viloyatlarida barpo etilayotgan \u201cKelajak metallari\u201d texnoparklariga xorijiy sarmoyani keng jalb qilamiz.<\/p>\n Mashinasozlik, robototexnika, yengil sanoat, qurilish materiallari, elektrotexnika, farmatsevtika kabi \u201cdrayver\u201d tarmoqlarda ham 30 milliard dollarlik investitsiya loyihalarini birgalikda amalga oshirishni taklif qilamiz.<\/p>\n Sizlarning \u201cyangi iqtisodiyot\u201d tarmoqlaridagi tashabbuslaringizni har tomonlama qo\u02bbllab-quvvatlashga tayyormiz.<\/p>\n To\u02bbrtinchi yo\u02bbnalish \u2013 \u201cyashil\u201d energetika va sun\u02bciy intellekt sohalaridagi sheriklikni yanada chuqurlashtirish.<\/strong><\/em><\/p>\n Xabaringiz bor, \u201cyashil\u201d energetikaga katta e\u02bctibor berib kelyapmiz. Yaqin yillarda umumiy elektr generatsiyasida uning ulushini 54 foizga yetkazishni reja qilganmiz.<\/p>\n Investorlarga quyosh va shamol elektr stansiyalari bilan bir qatorda energiya saqlash tizimlarini rivojlantirish, tarmoqlarni modernizatsiya qilish, \u201cyashil\u201d energiya asosida ishlaydigan data-markazlar barpo etish taklifini ilgari suramiz.<\/p>\n Sun\u02bciy intellekt tarmog\u02bbini rivojlantirish \u2013 davrimizning muhim talabi. Xorijiy ekspertlar O\u02bbzbekistonda kelgusi besh yilda ushbu yangi yo\u02bbnalishda kamida 10 milliard dollarlik qo\u02bbshimcha qiymat yaratilishini prognoz qilyapti.<\/p>\n Sun\u02bciy intellektni barcha sohalarga keng joriy etish uchun eng ilg\u02bbor tajribalar asosida Milliy strategiyani qabul qildik. Uning doirasida \u201cBesh million yetakchi\u201d dasturi boshlandi.<\/p>\n Asosiy vazifamiz sun\u02bciy intellekt orqali aholining barcha qatlamlari hayotini yaxshilash, undan ta\u02bclim, davlat xizmatlari va biznes jarayonlarida keng foydalanishdan iborat.<\/p>\n Biz Qoraqalpog\u02bbistonda sun\u02bciy intellekt loyihalari va data-markazlar uchun maxsus zona yaratdik. Bu hududda 2040-yilgacha investorlar barcha turdagi soliq va bojlardan ozod qilinadi; yo\u02bbl, elektr, suv infratuzilmasi davlat hisobidan qurib beriladi; 1 kilovatt-soat elektr energiyasi uchun 5 sent miqdorida imtiyozli tarif belgilanadi.<\/p>\n Shu bilan birga, maxsus huquqiy rejimga ega bo\u02bblgan O\u02bbzbekiston xalqaro raqamli texnologiyalar markazini ham tashkil etyapmiz.<\/p>\n Fursatdan foydalanib, sizlarni ushbu yo\u02bbnalishlar bo\u02bbyicha jozibadorligi yuqori bo\u02bblgan loyihalarda hamkorlikka taklif etamiz.<\/p>\n Beshinchi yo\u02bbnalish \u2013 mintaqaviy transport-logistika bog\u02bbliqligini rivojlantirish.<\/strong><\/em><\/p>\n Ma\u02bclumki, investorlar uchun xalqaro savdo bozorlariga chiqish katta ahamiyatga ega. Bugungi tadbirimizda keng mintaqamiz mamlakatlarining hukumat rahbarlari ham ishtirok etmoqda.<\/p>\n Biz so\u02bbnggi yillarda bu davlatlar yetakchilari bilan birgalikda Markaziy Osiyoni o\u02bbzaro bog\u02bbliq va butun jahonga ochiq bo\u02bblgan katta imkoniyatlar maydoniga aylantiryapmiz. Jumladan, Xitoy va Qirg\u02bbiziston bilan hamkorlikda strategik temir yo\u02bbl qurilishini jadal davom ettiryapmiz. Shu bilan birga, janubiy dengiz portlariga to\u02bbg\u02bbridan-to\u02bbg\u02bbri chiqish imkonini beradigan Transafg\u02bbon koridori loyihasi ustida faol ishlayapmiz. Bundan tashqari, Kaspiy dengizi orqali o\u02bbtadigan \u201cO\u02bbrta koridor\u201d transport yo\u02bbnalishini ham rivojlantiryapmiz.<\/p>\n Ushbu loyihalarni to\u02bbliq ro\u02bbyobga chiqarish evaziga Osiyo va Yevropani bog\u02bblaydigan transport magistrallari tarmog\u02bbiga qo\u02bbshilamiz.<\/p>\n Biz transport-logistika yo\u02bbnalishida yurtimizda qator megaloyihalarni ham boshlaganmiz. Masalan, Saudiya Arabistonidagi hamkorlarimiz bilan yiliga 20 million yo\u02bblovchiga xizmat ko\u02bbrsatadigan yangi Toshkent xalqaro aeroportini quryapmiz.<\/p>\n Forum doirasida sizlarga taqdim etilayotgan tezyurar avtomobil yo\u02bbllarini barpo etish, ko\u02bbp funksiyali logistika markazlari va \u201cquruq portlar\u201dni qurish kabi loyihalarda faol ishtirok etishingiz barchamiz uchun birdek manfaatli bo\u02bblishiga ishonamiz.<\/p>\n Oltinchi yo\u02bbnalish \u2013 hududlarni rivojlantirishda investitsiyaviy hamkorlikni yangi bosqichga ko\u02bbtarish.<\/strong><\/em><\/p>\n O\u02bbzbekiston aholisi qariyb 40 millionga yaqinlashdi. Jadal demografik va iqtisodiy o\u02bbsish bizdan urbanizatsiya va shaharsozlik bo\u02bbyicha katta dasturlarni amalga oshirishni taqozo etmoqda. Ular doirasida 2040-yilga qadar quriladigan uy-joylarning sonini 2 karra oshirib, urbanizatsiya darajasini hozirgi 51 foizdan 65 foizga yetkazishni reja qilganmiz.<\/p>\n Biz uzoq kelajakni ko\u02bbzlagan yangi investitsiya markazlarini barpo etmoqdamiz. Poytaxtimizga tutash hududda 2 million aholiga mo\u02bbljallangan zamonaviy Yangi Toshkent megapolisini bunyod etyapmiz. Shuningdek, Andijon, Namangan va Samarqandni millionli shaharlarga aylantirish bo\u02bbyicha loyihalarni boshlab yuborganmiz.<\/p>\n Umuman, yurtimizda uy-joy qurilishi loyihalari yiliga kamida 10 milliard dollarlik kafolatli bozorni ta\u02bcminlaydi. Bunga qo\u02bbshimcha ravishda infratuzilmani barpo etishda 27 milliard dollarlik davlat-xususiy sheriklik loyihalarini sizlar bilan amalga oshirishga tayyormiz.<\/p>\n Ta\u02bckidlash joizki, so\u02bbnggi yillarda mamlakatimiz hududlari rivojlanishida turizm va zamonaviy agrosanoat ham drayver yo\u02bbnalishga aylanmoqda. Xususan, o\u02bbtgan besh oyda yurtimizga xorijiy turistlar oqimi 27 foizga o\u02bbsib, 5,5 million nafarni tashkil etdi. Umuman olganda, O\u02bbzbekistonda har yili 15-20 million chet ellik sayyohlarni qabul qilish va ularga yiliga kamida 15 milliard dollarlik turizm xizmatlari ko\u02bbrsatish salohiyati bor.<\/p>\n Shu bois, turizm durdonalari bo\u02bblgan Samarqand, Buxoro va Xiva bilan bir qatorda boshqa hududlarimizda ham sayyohlik sohasiga faol sarmoya kiritasizlar deb umid qilamiz.<\/p>\n Qolaversa, an\u02bcanaviy qishloq xo\u02bbjaligini ilg\u02bbor agrobiznes tarmog\u02bbiga aylantirish bo\u02bbyicha ham dadil qadamlar tashlayapmiz. Hozirgi kunga kelib, O\u02bbzbekiston dunyoning 70 dan ortiq davlatiga yiliga 3,5 milliard dollarlik meva-sabzavot eksport qilib, o\u02bbz \u201cbrendi\u201dga ega bo\u02bbldi.<\/p>\n Biz hosildorlikni oshirish, yangi organik mahsulotlarni ko\u02bbpaytirish orqali eksportni 10 milliard dollarga olib chiqish bo\u02bbyicha katta marrani ko\u02bbzlaganmiz.<\/p>\n Shu o\u02bbrinda siz, nufuzli kompaniyalar vakillariga qarata aytmoqchiman: bugungi anjumanda bizning 14 ta hududimiz rahbarlari ham ishtirok etmoqda. Marhamat, ular hamrohligida viloyatlarga borib, yaratilayotgan imkoniyatlar bilan bevosita tanishing. Boy tajribangiz, texnologiya va sarmoyangiz bilan o\u02bbzaro manfaatli loyihalarda faol ishtirok eting. Bu jarayonlarda barcha hokimlar sizlarning yoningizda turib, yaqindan ko\u02bbmak beradi va har jihatdan qo\u02bbllab-quvvatlaydi.<\/p>\n Aziz mehmonlar!<\/strong><\/p>\n Biz Osiyo taraqqiyot banki hamda Yevropa tiklanish va taraqqiyot banki tashabbusi bilan Markaziy Osiyo va Kavkaz investitsiya kengashlarining mintaqaviy alyansi tashkil etilayotganini o\u02bbz vaqtida qabul qilingan qaror deb hisoblaymiz.<\/p>\n Bozor qanchalik katta va qoidalar qanchalik uyg\u02bbun bo\u02bblsa, mintaqa davlatlariga sarmoyalar oqimi shuncha ko\u02bbpayadi. Shu ma\u02bcnoda, mazkur muhim tashabbus kelgusida umumiy investitsiya makonini yaratish yo\u02bblidagi dastlabki qadam bo\u02bblishiga aminmiz.<\/p>\n Qadrli do\u02bbstlar!<\/strong><\/p>\n Biz ertaga sarmoyadorlar bilan doimiy institutsional muloqot formati \u2013 Prezident huzuridagi Investorlar kengashining yalpi majlisini o\u02bbtkazamiz. Bir stol atrofida o\u02bbtirib, yuzaga kelayotgan har qanday muammolarga samarali yechimlar topamiz va aniq vazifalarni belgilab olamiz.<\/p>\n Chunki biz uchun investitsiya bu faqat iqtisodiy resurs emas, balki ilg\u02bbor texnologiyalar, zamonaviy bilim va tajribalar, yangi ish o\u02bbrinlari va davr bilan hamnafas taraqqiyot demakdir.<\/p>\n Har qanday buyuk orzu va niyatni hayotga to\u02bbla tatbiq etishda asosiy hamkor, hech shubhasiz, ezgu niyatli investorlar, desak, mubolag\u02bba bo\u02bblmaydi. Shu bois, diyorimizga katta ishonch va g\u02bboyalar bilan kelayotgan xorijiy sarmoyadorlarga Yangi O\u02bbzbekistonning eshiklari hamisha ochiq. Prezident sifatida shaxsan o\u02bbzim va Hukumatimiz yoningizda yelkadosh bo\u02bblishga doim tayyormiz.<\/p>\n Toshkent investitsiya forumi ruhi barchangizni mamlakatimizga doim chorlab turishiga, umumiy muvaffaqiyat ramziga aylanishiga ishonaman.<\/p>\n Yurtimizning go\u02bbzal tabiati, betakror madaniyati va olijanob xalqimizning mehmondo\u02bbst qalbi esa do\u02bbstligimizni mustahkamlash uchun o\u02bbziga xos investitsiya bo\u02bblishiga aminman.<\/p>\n So\u02bbzimning yakunida anjumanimizda qatnashayotgan investorlarga, xorijiy hukumat va xalqaro tashkilotlar hamda diplomatik korpus vakillariga yana bir bor chin dildan minnatdorlik bildiraman.<\/p>\n Barchangizga mustahkam sog\u02bbliq, baxt-saodat, faoliyatingizda ulkan zafarlar tilab qolaman.<\/p>\n
\n