Oʻzbekiston Respublikasi Prezidenti huzuridagi Statistika agentligi maʼlumotlariga koʻra 2024-yil I-chorak yakunlari bo‘yicha O‘zbekiston Respublikasining tashqi savdo aylanmasi 15.823,0 million AQSH dollarini tashkil etdi va 2023-yilning shu davriga nisbatan 927,9 million AQSh dollariga yoki 6,2 foizga o‘sdi.
Oʻzbekiston Respublikasi umumiy tashqi savdo aylanmasining umumiy hajmidan Eksport: 6.384,4 mln. AQSh dollarini yoki 40,3 foizini (2023 yil yanvar-mart oylariga nisbatan 10,0 foizga yoki 580,1 million dollarga oʻsgan), Import: 9.438 mln AQSh dollari yoki 59,7% (3,8% yoki 347,8 mln AQSh dollariga o’sish) ni tashkil etdi.
Natijada O‘zbekiston Respublikasi tashqi savdo aylanmasi saldosi 2024-yilning I-choragida -3.054,2 million AQSH dollari miqdorida manfiy saldoni tashkil etdi.
2024-yilning birinchi choragida O‘zbekiston Respublikasi eksportyorlari soni 4.124 nafarga yetdi, mahsulot va xizmatlar eksporti hajmi esa 3.646,0 million dollarni (nomonetar oltindan tashqari) tashkil etdi va 2023 yilning shu davriga nisbatan 7,4 foizga oshdi. 2024-yilning I-choragi yakunlari bo‘yicha O‘zbekiston Respublikasi eksporti tarkibida monetar bo‘lmagan oltin eksporti 2.664,3 million AQSh dollarini yoki 41,7 foizni tashkil etdi. Eksport tarkibida tovarlar 82,2 foizni, shulardan boshqa tovarlar (shu jumladan monetar bo‘lmagan oltin) 41,9%, sanoat tovarlari 16,0%, kimyo va shunga oʻxshash mahsulotlar 5,7%, oziq-ovqat mahsulotlari va tirik hayvonlar 5,5% foizni tashkil etadi.
2024-yilning yanvar-mart oylarida xizmatlar eksporti hajmi 1.139,4 million dollarni yoki savdo eksporti umumiy hajmining 17,8 foizini tashkil etdi va 2023-yilning shu davriga nisbatan 9,6 foizga o‘sdi. Xizmatlar eksporti tarkibida transport xizmatlari (46,4%), sayohat (turizm) (40,0%), telekommunikatsiya, kompyuter va axborotlashtirish xizmatlari (6,7%) va boshqa tadbirkorlik xizmatlari (2,9%) salmoqli ulushiga to‘g‘ri keladi. Shu bilan birga, boshqa xizmatlar (4,0%) bo’yicha eng katta ulush mos ravishda sug’urta va pensiya xizmatlariga (1,4%), moliyaviy xizmatlarga (0,9%), boshqa toifalarga kiritilmagan intellektual mulk ob’ektlaridan foydalanganlik uchun to’lovlarga (0,7%) to’g’ri keladi.
Import tarkibida asosiy ulushni mashina va transport uskunalari (37,5%), sanoat tovarlari (16,4%), shuningdek, kimyo va shu kabi mahsulotlar (12,3%) egallaydi.
2024 yilning yanvar-mart oylarida xizmatlar importi hajmi 691,4 million AQSh dollarini yoki uning umumiy hajmining 7,3 foizini tashkil etdi va 2023 yilning shu davriga nisbatan 39,6 foizga oshdi. Xizmatlar importi tarkibida asosiy ulushni sayohat (turizm – 53,3%), transport xizmatlari (20,9%), telekommunikatsiya, kompyuter va axborotlashtirish xizmatlari (8,2%), shuningdek boshqa xizmatlar toifasiga kirmagan intellektual mulkdan foydalanganlik uchun to’lovlar (5,0%) egalladi.
Bugungi kunda O‘zbekiston Respublikasi dunyoning 184 davlati bilan tashqi savdo aloqalarini amalga oshirib kelmoqda.
2024-yilning birinchi choragida tashqi savdo aylanmasining eng katta hajmi Xitoy (19,0 foiz), Rossiya (17,7 foiz), Qozog‘iston (5,9 foiz), Turkiya (4,1 foiz) va Koreya Respublikasi (3,4 foiz) bilan amalga oshirildi. ), Fransiya (2,1%), Germaniya (1,7%), Turkmaniston (1,5%), Afg‘oniston (1,4%), Hindiston (1,3%)ga to’g’ri keldi.
