BMT Davlat Xizmati Forumi 2025-yil 23-25 iyun kunlari O‘zbekiston Respublikasi, Samarqand shahrida bo‘lib o‘tadi. Forumning asosiy mavzusi: «2030-yilgacha besh yil: Barqaror kelajak uchun davlat xizmatlarini tezlashtirish».

BMTning Iqtisodiy va Ijtimoiy Masalalar Departamenti (UN DESA) va O‘zbekiston hukumati hamkorligida tashkil etilayotgan ushbu forumda, Barqaror Rivojlanish Maqsadlari (SDG) ga erishish yo‘lida davlat boshqaruvi va xizmatlarini ko‘rsatish jarayonlarini tezlashtirish zarurati muhokama qilinadi.

Muloqotlar davlat xizmatlarini yaxshilash uchun raqamli transformatsiya, innovatsiyalar va hamkorlik muhim omillar ekaniga urg‘u qaratadi. Xususan, xizmatlardan yetarlicha foydalana olmayotgan jamoalar uchun imkoniyatlarni kengaytirish va hech kimni e’tibordan chetda qoldirmaslik masalalariga alohida e’tibor qaratiladi.