O‘zbekiston iqtisodiyoti global muammolarga chidamliligini saqlab qoldi va jadal sur’atlar bilan o‘sishda davom etmoqda. Prognozlar ijobiyligicha qolmoqda.

2023-yil yanvar-noyabr oylarida respublikaning tashqi savdo aylanmasi 57,3 mlrd. AQSh dollariga yetdi va 2022-yilning yanvar-noyabr oylariga nisbatan 11,9 mlrd. AQSh dollariga yoki 26,2%ga oshdi.

2023-yilning Yanvar-Noyabr oylarida O‘zbekiston Respublikasida Sanoat ishlab chiqarish fizik hajmi indeksi 106,0 foizni, Iste’mol narxlar indeksi 107,4 foizni tashkil etdi.

O‘zbekiston Respublikasi Markaziy banki Boshqaruvi yana asosiy stavkani yillik 14 foiz darajasida saqlash to‘g‘risida qaror qabul qildi. Bu ko‘rsatkich joriy yilning 17-martidan boshlab 9 oy davomida saqlanib kelinmoqda.

Yevropa tiklanish va taraqqiyot banki Markaziy Osiyoda yoshlar tadbirkorligi va bandligini ta’minlash maqsadida yetti yillik 200 million yevrolik “Biznesda yoshlar” dasturini ishga tushirmoqda.

Osiyo taraqqiyot banki O‘zbekistondagi 700 kilometrlik qishloq yo‘llarini transport aloqasini yaxshilash va qishloq taraqqiyotiga ko‘maklashish maqsadida 240 million AQSH dollari miqdorida qarz ajratishni ma’qulladi.