Reyting agentligi S&P Global Ratings O‘zbekistonning xorijiy va milliy valyutadagi uzoq muddatli va qisqa muddatli suveren kredit reytinglarini «BB-/B» darajasida tasdiqladi. Prognoz: Barqaror.

2024 yil noyabr oyida O‘zbekistondagi umumiy iste’mol narxlari indeksi (INI) 100,9 foizni tashkil etdi. 2024 yilning yanvar-noyabr oylarida INI 108,7 foizni tashkil etdi. Yillik hisobda umumiy INI 110,0 foizni tashkil etdi.

O‘zbekistonga o‘tgan 10 oyda 26 milliard dollardan ziyod xorijiy investitsiya kiritilgan. Bu – o‘tgan yilga nisbatan 1,7 barobar ko‘p. Shundan qariyb 24 milliard dollari to‘g‘ridan to‘g‘ri sarmoyalardir.

Budjet loyihasiga ko‘ra, 2025-yilda yalpi ichki mahsulot (YaIM) o‘sish sur’ati 6% darajasida saqlanib qoladi, 2026-yilda 6,1% va 2027-yilda 6,3% ga etadi.

2024-yilning 10 oyida O‘zbekistonning tashqi savdo aylanmasi 54.367,2 million AQSh dollarini tashkil etdi va o‘tgan yilning shu davriga nisbatan 6,7 foizga yoki 3.393,4 million AQSh dollarga o‘sdi.

Osiyo taraqqiyot banki (OTB) O‘zbekistonning yashil, inklyuziv va barqaror iqtisodiy o‘sishini qo‘llab-quvvatlash uchun 250 million dollar miqdorida qarz ajratishni ma’qulladi.