2025-yilning 1-noyabr holatiga O‘zbekistonda chet el investitsiyalari ishtirokida jami 17 595 ta korxonalar faoliyat yuritmoqda.

2025-yil 1-noyabr holatiga ko‘ra, rasmiy zaxira aktivlarining hajmi mutlaq rekord darajaga yetib, 59,3 milliard AQSH dollarini tashkil etdi.

2025-yil oktyabr oyida yig‘ma iste’mol narxlari indeksi 100,6 foizni tashkil etdi. Yil boshidan narxlar 5,7 foizga oshdi. Yillik nisbatda inflyatsiya darajasi 7,8 foizni tashkil qildi.

O‘zbekiston iqtisodiyoti yuqori barqarorlik va rivojlanish sur’atlarining tezlashuvini namoyish etmoqda: joriy narxlardagi YaIM hajmi 1303,7 trln so‘mga yetdi, bu esa 2024-yilning mos davriga nisbatan 7,6 foiz darajasida real o‘sishni ta’minladi.

Asosiy makroiqtisodiy ko‘rsatkichlar tahlili shuni ko‘rsatadiki, respublika nafaqat barqarorlikni saqlab qolmoqda, balki tashqi savdo, qurilish va xizmatlar sohasi kabi strategik muhim yo‘nalishlarda ishonchli o‘sishni namoyish etmoqda.

Umumiy tashqi savda aylanma 59,8 mlrd AQSH dollariga yetib, o‘tgan yilning mos davriga nisbatan 22,9 foizga oshdi. E’tiborlisi shundaki, eksportning o‘sish sur’ati importning o‘sish sur’atidan ikki baravardan ko‘proqqa yuqoridir.