2022-yilning oktabr oyida iste’mol bozoridagi narxlarning o‘rtacha darajasi 1,2%ga oshdi. 2022-yilning yanvar – oktabrida iste’mol bozorida narxlarning o‘sish sur’ati 9,4%ga yetdi, o‘rtacha oylik o‘sish sur’ati esa 0,9%ni tashkil etdi.

To‘lov balansining joriy operatsiyalar hisobi saldosi musbat bo‘lib, 346,6 mln. dollarni tashkil etdi. Savdo balansining (tovarlar va xizmatlar) manfiy saldosi (10,9 mlrd. dollar), birlamchi va ikkilamchi daromadlarning ijobiy saldosi (11,2 mlrd. dollar) hisobiga qoplangan.

2022- yilning yanvar-sentabr oylarida O‘zbekiston Respublikasining YAIMi hajmi joriy narxlarda 627.476,9 mlrd. so‘mni tashkil etdi va 2021- yilning yanvar-sentabr oylari bilan taq-qoslaganda 5,8 % ga o‘sdi.

O‘zbekiston Respublikasi Markaziy banki Boshqaruvining 2022 yil 27 oktabrdagi yig‘ilishida asosiy stavka yillik 15 foiz darajasida o‘zgarishsiz qoldirildi.

Mazkur sharh Markaziy bankning moliyaviy barqarorlik bo‘yicha chop etilayotgan ilk sharhi hisoblanadi.

2022-yilning 9 oyida O‘zbekistonda 190,0 trln. so’mlik asosiy kapitalga yo‘naltirilgan investitsiyalar asosan jalb qilingan mablag‘lar hisobidan o’zlashtirilgan bo’lib, bu 2021 yilning mos davriga nisbatan 105,0 foizni tashkil etdi.