Chakana savdo aylanmasi
2025-yil 1-mart holatiga ko‘ra, chakana savdo sohasida faoliyat yuritayotgan tijorat korxonalari soni 82 504 taga yetdi. Shundan 370 tasi yirik korxonalar, 82 134 tasi kichik korxonalar va mikrofirmalardir.
2025-yil yanvar–fevral oylarida chakana savdo aylanmasi 57 100,1 mlrd so‘mni tashkil etib, 2024-yilning shu davriga nisbatan 110,2 %ga o‘sdi.
Xususan:
- Yirik korxonalar aylanmasi – 9 688,4 mlrd so‘m (o‘sish sur’ati – 109,7 %),
- Kichik biznes va xususiy tadbirkorlik – 41 526,5 mlrd so‘m (o‘sish sur’ati – 109,5 %),
- Tashkil etilmagan savdo – 5 885,2 mlrd so‘m (o‘sish sur’ati – 116,0 %).
Ulgurji savdo aylanmasi
2025-yil 1-mart holatiga ko‘ra, ulgurji savdo sohasida faoliyat yuritayotgan tijorat korxonalari soni 46 477 taga yetdi. Shundan 393 tasi yirik korxonalar, 46 084 tasi kichik korxonalar va mikrofirmalardir.
Dastlabki ma’lumotlarga ko‘ra, 2025-yil yanvar–fevral oylarida ulgurji savdo aylanmasi 63 177,6 mlrd so‘mni tashkil etib, 2024-yilning shu davriga nisbatan 12,3 %ga oshdi.
Kichik biznes subyektlari ulgurji savdo aylanmasi 46 819,8 mlrd so‘mni tashkil etdi (o‘sish sur’ati – 108,2 %). Ularning ulushi respublika bo‘yicha umumiy ulgurji savdo hajmida 74,1 %ni tashkil qildi.
2025-yil yanvar–fevral oylarida yirik korxonalar ulgurji savdo aylanmasi bo‘yicha eng yuqori o‘sish sur’atlari quyidagi hududlarda kuzatildi:
- Sirdaryo viloyati – 6,7 barobar,
- Jizzax viloyati – 2,9 barobar,
- Navoiy viloyati – 195,1 %,
- Toshkent viloyati – 190,6 %,
- Buxoro viloyati – 174,7 %.
Oziq-ovqat xizmatlari (umumiy ovqatlanish) aylanmasi
2025-yil 1-mart holatiga ko‘ra, umumiy ovqatlanish sohasida faoliyat yuritayotgan tijorat korxonalari soni 23 990 taga yetdi. Shundan 90 tasi yirik korxonalar, 23 900 tasi kichik korxonalar va mikrofirmalardir.
2025-yil yanvar–fevral oylarida umumiy ovqatlanish korxonalari aylanmasi 26 546,3 mlrd so‘mni tashkil etib, 2024-yilning shu davriga nisbatan 111,6 %ga oshdi. Savdo aylanmasining 83,5 %i kichik biznes subyektlari hissasiga to‘g‘ri keldi.